فنجان الفراق , لا تجبرني على شربه ..
ماني لكم طايع , ماني على الكيف أمشي ..
أنا تحركني قناعاتي , ماني كما قيل ( مع الخيل يا شقرا ) ..
نعم , لكم عندي أنا السمع والطاعه ..
وأمشي برضاكم ما أخالف لكم أمر ..
أسمع نداكم , لبيه تسبقني قبل تنهي نداكم ..
ما أفتكر في يوم إني عصيتك ..
ولا أفتكر في يوم يجي وأعصيك ..
ملكتني برضاي , ما جيتني غصب ..
سلمتكم روحي بطيب نفس , ولاني بندمانه ..
على النقا , ما يجي في حبنا عذروب ..
حبنا صافي , يعلم به القاصي قبل يعلم الداني ..
\
\
يا هوى نفسي و يا بعد حالي , ترى ماني لكم غادر ..
جاني خطاكم , جرّح القلب تجريح ..
وين الوعد ؟ وين العهد تحفظ لقلبي أمانه ؟ ..
ما صنتني , ميثاق عشرة عمر غيرت بقوانينه ..
لا يا عديل الروح ما اخطيت , ولا أفكر معك أخطي ..
صدتي حشمة وتقدير , ماني من اللي يجادل مالك القلب والروح ..
أنا أتبع بحبك قناعاتي ..
لا صار غالي القلب زعلان أو مخطي ..
أبعد عن جداله , ولا أبعد عن عيونه ..
إن جاني أمر منه أقول : السمع والطاعه ..
وإن ضايقني في أمور , أبعد وجهي لا يشوف عقدة حجاجي ..
لو ضايقني هو حبيبي , له مني حق الإبتسامه ..
وأنا لأني حبيبة فؤاده , بيجي يوم ويطلب ودادي ..
هذي قناعاتي , وإسمع آخر كلامي ..
لا يا بعد من لي ..
مهما قسيت ومهما علي تجنيت ..
أقول : إسمح لي في هذا الأمر ..
ماني على كيفك , فنجان الفراق ماني بشاربته .
موضوع: فنجان الفراق،لا تجبرني على شربه 
الأربعاء أبريل 28, 2010 5:29 am
